影片
更多
2024-10-22
65 瀏覽
九龍塘又一城商場出名普遍消費高，啲野都唔算好平，不過近排就新開左間價錢中等但好好味既輕食店，出名熱狗同雪糕三文治味道幾出色👍🏻店舖主要以藍色鏡面設計為主，望落有種高級同神秘既感覺，而商場天花板同樣以鏡面設計兩者好似融為一體咁🫢店舖外面亦有附設枱凳方面食客買完可以坐係度食～最特別係ice cream sandwich係可以自由揀想要既ice cream, crumbs同cookies，特別要提既係佢有款彩虹cookie用黎打卡一流之餘，食落都好味👍🏻熱狗腸長期有烘爐烘住夠晒新鮮熱辣🌭—————————————————————————————♦️Yorkshire Terrier：呢款熱狗我揀左用雞肉腸，麵包夠晒大同軟熟，上面鋪滿左蛋黃醬同埋櫻花蝦，未食已經聞到好香櫻花蝦味，加上表面放左海葡萄更能提升口感層次，整體黎講味道幾特別😍♦️Shepherd(Pizza Dog)：另外呢款就揀番傳統法蘭克福腸，表面鋪滿左香草蕃茄醬同埋mozzarella cheese醬汁帶少少甜酸好開胃，腸仔一咬落去好juicy😋♦️ ice cream sandwich (mango sorbet + rainbow
店舖外面亦有附設枱凳方面食客買完可以坐係度食～最特別係ice cream sandwich係可以自由揀想要既ice cream, crumbs同cookies，特別要提既係佢有款彩虹cookie用黎打卡一流之餘，食落都好味👍🏻熱狗腸長期有烘爐烘住夠晒新鮮熱辣🌭
—————————————————————————————
♦️Yorkshire Terrier：呢款熱狗我揀左用雞肉腸，麵包夠晒大同軟熟，上面鋪滿左蛋黃醬同埋櫻花蝦，未食已經聞到好香櫻花蝦味，加上表面放左海葡萄更能提升口感層次，整體黎講味道幾特別😍
♦️Shepherd(Pizza Dog)：另外呢款就揀番傳統法蘭克福腸，表面鋪滿左香草蕃茄醬同埋mozzarella cheese醬汁帶少少甜酸好開胃，腸仔一咬落去好juicy😋
♦️ ice cream sandwich (mango sorbet + rainbow shortbread + cookies n cream)：我覺得呢個配搭幾清新，我最初驚雪糕好快會溶，但佢呢款雪葩反而係唔易溶所以可以慢慢食～彩虹rainbow shortbread口感係同曲奇一樣幾鬆脆
♦️ ice cream sandwich (chocolate + gluten free brownie + confetti)：brownie幾鬆軟好適合做三文治皮，雪糕軟硬度適中，唔係雪到好硬凍到咬唔開果種🍨
♦️ Kiwi Lemonade：好清新，入面有奇異果果蓉帶有少少酸，酸度適中仲好解渴
♦️iced chocolate：朱古力味好香，帶有朱古力既苦澀味但飲落唔苦👍🏻佢地既冰好特別係落一大舊冰，等佢慢慢溶可以中和朱古力既甜味🥤
評分🖍️(滿分為5個🌕)
抵食指數：🌕🌕🌕🌕🌑
服務質素：🌕🌕🌕🌕🌕
環境：🌕🌕🌕🌕🌕
味道：🌕🌕🌕🌕🌑
張貼
