影片
更多
2019-09-08
86 瀏覽
呢間喺彩園廣場新開嘅粵式餐廳成日都大排長龍，見佢裝修都非常之靚，而且又有手搖飲品專櫃，非常貼近潮流，今日放工約咗朋友過嚟食晚餐，就揀咗呢間了。餐牌款式都算多架，而且都係比較正宗嘅越式菜，menu設計都好有心思，第一印象非常好！既然呢間鋪頭講自己係海南雞專門店，當然要試吓海南雞啦，咁我哋唔想食飯，所以就叫咗海南雞喇沙。份量都非常之足！海南雞非常嫩滑，雞味足，醬料都好夾！正呢碗喇沙好大碗，兩個人食都非常之夠，而且仲有好多配料，例如雞蛋同埋豆卜！味道同馬拉喇沙有啲分別，呢碗唔酸、比較咸，但都幾好味！小食拼盤非常豐富，有齊晒我想食嘅越式小食，值得一讚嘅係佢嘅春卷，極足料，而且味道啱啱好，有脆又香，讚！另外因為串燒實在太好味啦，所以我哋有額外叫多咗一盤串燒！牛肉同雞肉都好嫩！而且沙嗲醬好香，一流！擺碟好得意嘅芒果糯米飯，睇得出好足料啊。而且裝到好似壽司咁，方便我哋share，鞋頭仲有好多芒果粒，芒果嘅香甜加上椰汁，大滿足！西柚烏龍茶！解膩一流，大大塊西柚，一啲都唔姑寒！不過要留意，浸得太耐會有苦味味，所以夠味就要整返舊西有出嚟！咁豐富先食咗$400！可以再食！
餐牌款式都算多架，而且都係比較正宗嘅越式菜，menu設計都好有心思，第一印象非常好！
既然呢間鋪頭講自己係海南雞專門店，當然要試吓海南雞啦，咁我哋唔想食飯，所以就叫咗海南雞喇沙。份量都非常之足！
海南雞非常嫩滑，雞味足，醬料都好夾！正呢碗喇沙好大碗，兩個人食都非常之夠，而且仲有好多配料，例如雞蛋同埋豆卜！味道同馬拉喇沙有啲分別，呢碗唔酸、比較咸，但都幾好味！
小食拼盤非常豐富，有齊晒我想食嘅越式小食，值得一讚嘅係佢嘅春卷，極足料，而且味道啱啱好，有脆又香，讚！
另外因為串燒實在太好味啦，所以我哋有額外叫多咗一盤串燒！牛肉同雞肉都好嫩！而且沙嗲醬好香，一流！
擺碟好得意嘅芒果糯米飯，睇得出好足料啊。而且裝到好似壽司咁，方便我哋share，鞋頭仲有好多芒果粒，芒果嘅香甜加上椰汁，大滿足！
西柚烏龍茶！解膩一流，大大塊西柚，一啲都唔姑寒！不過要留意，浸得太耐會有苦味味，所以夠味就要整返舊西有出嚟！
咁豐富先食咗$400！可以再食！
張貼
