GALBI TOWN

營業中

休息中

朋友知道我好鍾意食醬油蟹同燒肉，今日就帶咗我去呢一間喺尖沙咀新開嘅韓國菜，呢度所有店員都係韓國人，一坐低嘅時候就遞上不同醬料同小菜，有好多款啱晒唔同人。泡菜酸甜香辣，木耳爽口彈牙，南瓜蓉口感綿密，沙律新鮮爽口，萵筍絲口感爽脆，魚糕條口感煙靭。呢一個生拌洋蔥絲，味道酸酸甜甜，配上肉類一齊食，可以減低油膩感。調味特選牛肋骨肉牛肋骨肉肉味濃郁，食落口感非常軟腍，味道帶少少甜味。醬油蟹韓國直送醬油蟹，味道剛剛好，唔會過鹹，肉質幼滑，口感綿密，蟹膏鮮甜濃郁，真係白飯殺手，唔覺唔覺真係會食咗好多飯。海鮮煎餅海鮮煎餅材料非常豐富，煎餅煎到外面脆卜卜，帶有焦香嘅效果。鐵板烤牛肉&蕎麥涼麵套餐烤牛肉肉味濃郁，味道甜甜辣辣，蕎麥麵質麵爽口，加上梨汁味道甜酸開胃。