Muse Burger (已結業)

今日行過呢條街，發現有間新開食burger餐廳。反正老公有節目唔同我食飯，咁就不如去睇吓。餐廳裝修簡約，牆上掛上黑白漫畫，以burger為主題。呢度空間感大，感覺舒服。睇吓menu，除左burger，原來都仲有好多嘢食。有意粉同意大利飯，另外有小食，連all day breakfast都有。而飲品除左汽水同special drink外，仲有cocktail飲。而加試業期間，第二個套餐仲有半價添。最後，我就揀左個burger set。Muse burger：牛肉本身係安格斯牛肉，我就加$28升級左做和牛。麵包軟熟，牛肉juicy。裡面夾住隻蛋半生熟，流出蛋汁，好香。 另外仲有菇、蕃茄、煙肉、沙律菜同車打芝士等配料，配埋小店秘製醬汁，整體好有層次感，口感豐富，質素唔錯。薯條：剛炸起熱辣辣，薯條唔粗唔幼，點埋茄汁就已經好食。混合水果汽水：特飲樣樣都想飲，所以就叫左個mix。佢係青蘋果、奇異果、百香果濃青檸汁同梳打水，mix埋幾好飲。