Unnie

營業中

休息中

呢間喺銅鑼灣新開嘅cafe，裝修好有一種親切嘅感覺，店員亦都好有禮貌。餐廳有唔少韓式fusion菜，今次試咗幾款，味道都幾出色！🟠煙三文魚柚子沙律柚子沙律好refreshing，醋嘅份量調教得幾好，加左一粒粒蝦子喺沙律上面。煙三文魚質素亦都唔錯！🟣辣炒八爪魚意大利飯意大利飯有超多切碎咗嘅八爪魚粒粒，非常之彈牙，估唔到韓式辣醬同意大利飯都幾夾，值得試下！🟢魚糕串辛辣麵卡邦尼意粉淨係睇個賣相已經覺得好有韓國風味，韓式辛辣麵再加埋卡邦尼呢個配搭，真係有邪惡又好味！魚糕串份量亦都好多，夠晒飽！🟡Unnie炸雞翼炸雞翼即叫即炸，仲有成六隻咁多！今次揀咗蜂蜜蒜蓉味，甜甜地好香口，做小食一流！套餐仲可以加錢食埋甜品同埋飲品，味道都唔錯㗎！