開飯主義

營業中

休息中

約咗個大埔朋友食飯，大明里好多嘢食，逛吓逛吓就見到呢間，出面睇個餐牌好吸引! Cafe格局但係又有韓式炸雞又有熔岩芝士法包，就一於入去試。入到去睇個餐牌又係不得了！我嘅朋友因為宗教問題唔可以食豬，但呢度都好多選擇，完全唔駛擔心。最後我地叫咗熔岩麵包芝士炸雞同埋龍蝦汁炸蝦龍利柳意粉。隨餐跟湯同牛角包，好抵。先嚟個炸雞，類似嘅熔岩芝士我喺韓國食過，呢度嘅味道都不輸韓國！芝士可以用嚟點佢個包（係蒜蓉包）同埋配埋嘅薯條，炸雞係分開用酸酸甜甜嘅汁炸起，有少少乾不過味道都ok。但係個芝士熔岩真係好有驚喜。跟住嚟個龍蝦汁炸蝦龍脷柳意粉。上檯已經好吸引，炸蝦薄薄的一層炸粉香脆可口，入面龍脷柳加咗厚芝士焗埋，龍蝦汁唔算好重龍蝦味，反而似一般嘅芝士焗飯嘅味，但佢係配意粉，所以感覺上如果有得配飯就仲正！我地兩個女仔，叫兩個餐都食唔曬，因為淨係個熔岩芝士已經又芝士又炸雞又薯角又沙律，又好味又抵食。