龍點心 (Eastcore)

營業中

休息中

想飲茶🫖然後搵到觀塘有間幾新式既茶室，新式既原因係佢有d比較特式既點心。黎到龍點心，叫左佢既招牌菜，龍燒賣同龍餃子，每籠4件，4件都有唔同味道，餃子既皮好出色，唔係大厚但又幾煙韌，燒賣粒粒個餡都幾多料，兩籠裏面我都係最中龍食最傳統個款。厚切叉燒腸粉，皮都係好食，特別想講下佢既叉燒真係一大條，中意啖啖肉既一定要嗌。最後叫左個鳳爪排骨飯，份量超多，兩個人叫一份就夠，佢排骨都多，而且配埋甜豉油，兩三下就食哂。環境幾舒服，係觀塘地鐵站附近。而且茶叫左菊普，茶又夠熱，員工都即叫即幫到手，點心即叫即整但又唔會等好耐。