Double 8 (裝修中)

以霓虹燈、鮮橙色為主調嘅裝修設計型格之餘亦搶眼，即使餐店坐落於比較隱蔽嘅小街亦令人一眼認出門面( ͡° ͜ʖ ͡°) 小店座位唔多但叫做坐得舒服唔會逼，適合靜靜地傾下計享受美食。❝龍蝦湯牛角包❞ ($98)〔推介！〕店家特色招牌菜之一，一切開香脆酥化嘅牛角包內裡嘅龍蝦湯就湧出黎，牛角包沾上香濃帶甘味嘅龍蝦湯係無須多講嘅美味啦～❝卡邦尼手製意大利寬麵❞ ($138)〔推介！〕有驚喜嘅手工意大利麵！蛋汁香濃令每啖都充滿濃滑卡邦尼口味。手工麵條比較薄身，口感唔算有嚼勁但相當掛汁。❝香烤蜜糖雞翼❞ ($78)〔推介！〕雞翼表面烤得香口，雞皮口感薄脆，蜜糖味濃而香甜，雞翼內層醃得入味又嫩滑多汁，相當出色。一份有6隻份量大方。❝Mocktail - Summer & Autumn❞ ($68 / 杯)係sharp醒嘅螢光顏色～味道清新，summer由熱情果以及青檸製成，味道偏甜、酸味唔重手，而autumn就係由西柚、菠蘿製成。𓂃𓈒 𓂂𓏸 Double 8 𓏸𓂂 𓈒𓂃 @double8hk_ 銅鑼灣威非路道23-25號佳景大廈地下1號舖港鐵炮台山站A出口，步行約7分鐘抵達每日11:30 - 00:00營業