影片
更多
2015-02-01
365 瀏覽
元州商場大翻新，近排陸續有新進駐嘅舖頭開張，亦有舊店轉個舖位換個靚裝從新開張，其中馥軒就係後者嘅其中一間。 新馥軒除咗保留麵包店嗰part之外，更係店內加多咗café。好幾次行過門口，都俾佢門口號menu吸引到我。 今日中午，我終於去會一會新馥軒的café (應該叫「CafE.Bakery」至啱)。 我中午一點幾去到元州商場，一去到E.B就有位，唔使等。店舖位於人流頗多嘅地方，唔使等位令我有D喜出望外。可能係星期日嘅關係，D人無咁早出門搵食？又或者，呢度一個餐嘅價錢唔算平，稍高於大眾茶餐廳嘅常餐價錢，所以唔多人光顧？ Anyway，店內café一角地方唔算好大，只有二十個位左右，佈置簡約，坐得都舒服嘅。因為新開張無耐，服務都好殷勤，一坐低就端水上檯。 睇完成份menu (solly，我無影到份menu嘅相＝＿＝)，我order咗全日餐B，飲熱奶茶。 餐飲等咗一陣就上檯，嗰杯幾靚～但我本人唔識品評奶茶，所以覺得OK(卦)，無特別comment。 野食就……因為即叫即整嘅關係，都等咗頗耐至上檯。但一上檯，我心裡面就「嘩」咗出黎，成碟野同menu上嘅相片一樣ga！好感動～
新馥軒除咗保留麵包店嗰part之外，更係店內加多咗café。好幾次行過門口，都俾佢門口號menu吸引到我。
今日中午，我終於去會一會新馥軒的café (應該叫「CafE.Bakery」至啱)。
我中午一點幾去到元州商場，一去到E.B就有位，唔使等。店舖位於人流頗多嘅地方，唔使等位令我有D喜出望外。可能係星期日嘅關係，D人無咁早出門搵食？又或者，呢度一個餐嘅價錢唔算平，稍高於大眾茶餐廳嘅常餐價錢，所以唔多人光顧？
Anyway，店內café一角地方唔算好大，只有二十個位左右，佈置簡約，坐得都舒服嘅。因為新開張無耐，服務都好殷勤，一坐低就端水上檯。
睇完成份menu (solly，我無影到份menu嘅相＝＿＝)，我order咗全日餐B，飲熱奶茶。
熱奶茶
26 瀏覽
0 讚好
0 留言
全日餐Ｂ
$40
56 瀏覽
0 讚好
0 留言
我先食包底嘅脆豬包。嗯～真係外脆內軟，外面脆到呢，唔好意思，我呢排熱氣，牙肉有D痛，一啖咬落去，脆親我D牙肉，痛……(＞＿＜) 但我唔會怪佢嘅。而入邊就，軟到好似棉花糖咁～好耐無食過咁正嘅脆豬包啦～不過大家真係要趁熱食咗個脆豬包先，另一邊脆豬包我係餐末攤凍曬至食，就搞到成個包連入邊都硬埋，食到我個口好痛……(返屋企煲D涼茶飲下先)
跟住食雞扒，切一大塊擺入口(嗯，我無乜儀態，失禮曬XD)，好～入～味～呀～我鍾意～跟住食埋D拌碟嘅沙律菜，即刻覺得成個餐健康曬～再食埋薯蓉撈茄汁豆，又係唔錯，薯蓉整得好creamy，入口即溶。
試埋份炒蛋，整體OK，因為份蛋做得比較厚(方便叉&切)，所以只有表面係濕滑，底部及中間都比較實，不過我又無乜所謂，我接受能力高。
我食呢個餐(叫All-day Combo)跟熱飲(我忘了凍飲要加幾錢，印象係more than HK$2)，cost me HK$40。可能大家第一印象會覺得，貴咗D喎……但其實佢都只係比大眾茶餐多五六蚊，不過成份野嘅portion都好大，我自問係女生當中都算大食(碟頭飯可以成碟清曬XD)，食完成碟都好鬼飽，單計份量都值40蚊ga。而且唔好忘記，佢係一間café，以café黎講，40蚊係算平添。再講服務，雖然地方細細，但員工都算多，裡裡外外都有成差不多十個人，其中有好幾個唔係著制服疑似老闆嘅人物，做野勁親力親為，唔單止帶客人埋位、落單、執檯，仲入埋廚房洗碗添！(我坐係對住廚房嘅2人小圓檯，所以睇得一清二楚)
疑似老闆仲會係無咁忙嘅時候，同客人傾下食物如何如何。我仲見佢哋出完菜後，會返埋廚房，同廚房講頭先出嗰份食物，水準爭D，望落點點點，要做成點點點至啱，云云。嘩～嗰份做事嘅要求&熱誠，已經值得俾100分啦！40零蚊一個餐咋，人哋付出好多心意ga，即刻覺得抵返曬。
不過我都有D擔心，要一直keep住咁高水準，唔容易囉，希望E.B加油，keep it up！
最後，我見menu仲有厚toast、waffle、ice-cream之類嘅野食，都好吸引咁樣，等我下次tea time再黎試下先～=^__^=
題外話/補充資料：
café與麵包店section係分開收銀ga.
(以上食評乃用戶個人意見 , 並不代表OpenRice之觀點。)
張貼
