舍利鮨 (已結業)

最近迷上壽司同刺身，今日就嚟到朋友介紹嘅呢一間高級壽司店「舍利鰭」試吓睇吓有幾好味！因為就老公所以就嚟食晚餐，望到餐牌都好似幾貴咁，不過食落發現食物質素真係幾高！😋特別要推介下以下幾樣：大拖羅壽司- 肉質柔嫩細滑，入口即溶，雖然唔係好多油脂，但魚香味好重！👍🏻醬油漬中拖羅壽司- 肉質俾大拖羅厚實，咬落去有少少煙韌，醬油味香濃，同拖羅嘅魚味幾夾，係另一番風味！🥰鰆魚壽司- 呢款魚比較少食，所以都幾特別，比起拖羅肉質較韌，但更鮮味，食得出食材真係好新鮮！白象拔蚌配三文魚籽- 象拔蚌肉質彈牙，配上三文魚籽口感豐富！伊佐木刺身- 呢款刺身真係第一次試！感覺好新鮮，味道有啲似鯛魚。春子鯛壽司- 比起普通鯛魚更柔嫩。蘋果木煙燻赤鯥- 配上蛋黃醬有感覺創新☺️咬落去淡淡的蘋果香滲出，成件事好突出！必試！👍🏻整體來講雖然價錢偏貴，但論食物質素同環境都幾高級，就當得閒同老公慶祝一下啦！☺️