鮨川 (已結業)

銅鑼灣食Omakase嘅餐廳好多，目標係食哂區內所有Omakase餐廳，呢一站呢到好評都唔少嘅鮨川。呢次嘅Omakase第一次食沙蝶魚，魚肉質感比起其他魚偏硬，又切得厚身，所以食落覺得爽口，正！軟冧帶膠質嘅赤蝦，配上脆卜卜嘅櫻花蝦，就算我呢個唔係好鐘意食蝦嘅人都覺得鮮甜味美。深海池魚魚油泛濫，其實我真係一般般深海池魚，因為魚腥味真係偏重，但呢個我接受。熟成中拖羅同紫海膽為是日Omakase畫上完美句號。