北海道牛乳蛋糕 (莊士倫敦廣場)

營業中

休息中

中午我和同事拎文件去佐敦比個客，經過一間叫北海道牛乳蛋糕店，見到廚窗放滿不同款式的批和撻，吸引我哋入內參觀下。原來蛋糕店主打各種日式牛乳蛋糕，有經典原味，亦有多款唔同口味，可堂食亦可外賣，所有食物都好吸引，一於買些回公司大家試吓！所有食品每日新鮮製造，唔同時段都有唔同產品出爐，留意出爐時間！北海道牛乳原味蛋糕：蛋糕採用北海道優質3.6牛乳製作，入口感輕軟幼滑，唔會太甜，食到牛奶和蛋的香濃味！日本茨城粟子撻：栗子控必試，茨城縣是日本著名的栗子產地，當地的栗子甜度比一般栗子高出2~3倍，栗子蓉質感十分細滑而且保留了栗子原來的香氣，中間是吉士麻薯蛋糕，有煙煙韌韌的口感，甜度適中！冲繩紫薯撻：紫薯有純天然艷麗紫色，擁有豐富的花青素有助心血管健康。薯蓉幼滑甜美，上層加咗忌廉，底層係芝士撻，無論口感和味道都好豐富。錦爽蘑菇芝士雞批：啱啱新鮮出爐熱辣辣，金黃色的外層酥脆，餡料好足料又夠味，啖啖雞肉和蘑菇，重有芝士醬汁，甜中帶鹹，超正！