來發館粥底海鮮火鍋 (已結業)

秋風起又係時候打下邊爐，第一次試粥底火鍋，真係要睇埋個餐牌先知點食，但店員都好有心機咁講咗一次。1. 先食海鮮 2. 放入湯底配料 3. 揀6款邊爐配料 4. 食完肉類後加入粥底5. 大火滾就食得粥一來就有好多海鮮！2-3人有6款海鮮，包括鮮蝦，膏蟹，蜆仔，鮑魚，蟶子，魚肉。好豐富呀！最重要既係隻蟹仲郁緊架，超新鮮呀！仲要好有心機咁擺得好靚。超有氣勢，另外同時亦準備好了湯底配料，有南瓜粒，芋頭粒，菜甫粒同埋甜粟米。第一款：先來了點蝦，我們有3人，每人有2隻蝦。就算唔沾醬油都可以食到蝦既鮮甜同埋肉質爽口，係新鮮蝦！第二款：跟住我就忍唔住要落蟹啦，因為見到仲郁下郁下，非常新鮮！仲有好多蟹膏Tim ah, 熟咗之後d蟹膏更香更有口感，每隻蟹都有唔少蟹膏，食左一啖之後都仲有好多膏，甘香！而蟹肉亦都係一梳梳，蟹味十足，鮮甜！第三款：之後陸陸續續食其他海鮮，我覺得蟶子真係超級好味，好肥美，鮮甜，肉質彈牙，每人得一隻，但好大隻，到依家都仲回味緊。第四款：魚肉亦都係有質素之選，睇落平平無奇，食落又滑又厚肉，魚味香濃，正。第五款：蜆要好食最緊要係甜，呢度既蜆唔大隻，但好鮮甜，超正，美中不足都係有少少沙。