魚一壽司 (京都廣場)

營業中

休息中

沿路落去魚一嘅樓梯，都見到客人漫畫嘅手筆。店內佈景亦是日系漫畫風。蟹皇丼蟹肉同蟹糕比例平均，蟹肉鮮嫩，蟹糕香濃，拌勻蟹籽同埋三文魚子，增添卜卜脆口感，亦滿足了味蕾。芝士玉子燒玉子質感滑滑味道甜甜的，夾著一層芝士，蟹籽咬落有脆脆口感，令玉子燒食落更豐富。清酒煮蜆清酒清甜有大葱嘅微香，蜆肉鮮甜大粒。什錦天婦羅蝦、紫蘇葉、蕃薯、青椒仔，香菇、炸物炸漿薄唔會油膩，有酥軟口感。蕎麥冷麵芥末、醬油、鵪鶉蛋拌勻做成冷麵汁，蕎麥麵質清爽，沾上有點點芥末同蛋香嘅醬汁，彈牙麵條更爽滑。火炙北海道帶子帶子微微焦香，口感嫩滑，抹上醬油，更感鮮甜。馬刀貝壽司口感爽脆彈牙。蘆筍牛肉卷蘆筍脆嫩配嫩滑牛肉，放上香葱、醬汁，味道帶出層次感。刺身六點盛新鮮刺身有三文魚腩、油甘魚、赤身、牡丹蝦、活赤貝，味道鮮甜口感彈牙。