影片
更多
2016-06-14
5467 瀏覽
放工又約姐妹吃好西餐，今次大家想食下蟹，所以黎左Holy crab。上到去，可能因為平日，個場都好靜，不過因為少人，所以幾安靜坐得幾舒服。諗住坐低開枝酒再慢慢叫菜，點知waiter 話未拎到酒牌冇得賣酒，我地個刻都幾失望，唯有飲下果汁。叫左兩杯，Strawberry smoothie $68味道唔算濃，飲得出佢係新鮮果肉打，正正常常，但唔夠有特色，沙冰唔夠多，飲落去唔夠凍。如果以七十蚊既價錢，我期望會高d。第二杯叫左Fruity Fruity$60，冇得飲cocktail唯有飲下mocktail。以芒果為主既mocktail，顏色偏橙，飲落去好juicy, 酸甜度適中，好開胃。BBQ U.S Pork Ribs (Half Rack)$195雖然叫左半份，但係一上菜個時都嚇左一跳，因為份量超多!!!!Rib烤得外脆內軟，輕輕一刀已經好容易切開，配埋特製sauce好好味。配菜方面有好新鮮既salad同埋thick-cut薯條，正!!!!但可以做得更好既係，肉質唔夠嫩，如果juicy會更好。Oysters platter$180 六隻，澳洲蠔雖然細細隻，但啱晒女仔食，可以一口咬晒落去。蠔無
叫左兩杯，Strawberry smoothie $68
味道唔算濃，飲得出佢係新鮮果肉打，正正常常，但唔夠有特色，沙冰唔夠多，飲落去唔夠凍。如果以七十蚊既價錢，我期望會高d。
第二杯叫左Fruity Fruity$60，冇得飲cocktail唯有飲下mocktail。以芒果為主既mocktail，顏色偏橙，飲落去好juicy, 酸甜度適中，好開胃。
BBQ U.S Pork Ribs (Half Rack)$195
雖然叫左半份，但係一上菜個時都嚇左一跳，因為份量超多!!!!Rib烤得外脆內軟，輕輕一刀已經好容易切開，配埋特製sauce好好味。配菜方面有好新鮮既salad同埋thick-cut薯條，正!!!!但可以做得更好既係，肉質唔夠嫩，如果juicy會更好。
Oysters platter$180 六隻，澳洲蠔雖然細細隻，但啱晒女仔食，可以一口咬晒落去。蠔無太大嘅腥味，有少少海水，仲陪左兩個sauces tim~同埋好窩心咁有一個檸檬包，點汁嘅時候非常方便丫。
好中意食risotto,今次叫左個seafood risotto,$188。黎個risotto 係今日最失望既一道菜式，黎個價錢黎講，海鮮份量認真偏少，有三隻蜆、少少三文魚，醬汁味道亦唔突出，可以話唔值黎個價，份量好細，我覺得只值一百蚊。
好彩有個crap dip補補數！$168，一個包刮空心，然後將充滿蟹肉既芝士醬汁倒入去，然後焗！好正，汁同包既比例剛剛好，唔會未食晒包就冇晒汁！啖啖麵包都好香蟹肉同芝士味！黎個菜式我俾90分！
賣單$859加一，一人大概三百蚊左右，都幾滿足！
張貼
