天空虎嘯

營業中

休息中

今日提早放工，就同同事去天后電氣道68號樹林銀座26樓天空虎嘯食海鮮晚餐，$888嘅真阿拉斯加長腳蟹海鮮蒸汽刺身套餐，以下就係套餐入面其中幾款菜式。🔘刺身頭盤🔘阿拉斯加長腳蟹🔘蘇格蘭刺身帶子🔘法國野生深海白鱈魚7種唔同嘅海鮮刺身作為頭盤真係再好唔過，能夠畀我哋嘗試到唔同海鮮嘅味道同口感，每款刺身都好新鮮，完全冇腥味，唔需要好耐我哋就將所有刺身食晒。之後我哋食咗阿拉斯加長腳蟹，蟹肉味道好鮮甜，仲保持住嘅新鮮味道，好食到吮手指。刺身帶子同法國白鱈魚，味道好鮮，仲散發住微微海水嘅鹹味，好適合我哋呢啲好鍾意食海鮮嘅人，非常滿足。當然仲有其他好食嘅菜式，鮑魚、墨魚滑、蝦滑、蔬菜甜品等等，都包括咗喺套餐入面，真係非常抵食。加上餐廳嘅服務超好，風景又靚，真係一間畀你好好享受晚餐嘅餐廳。