鮨川 (已結業)

老友嚟香港探我, 已經有三年冇見面, 我哋特登喺喺銅鑼灣行完街之後, 請佢食餐當係慶祝佢有新嘅開始 。呢度裝修簡潔呀, 我哋揀咗坐吧枱因為可以望住師傅喺你面前整壽司同處理食材。有時覺得食嘢真係唔知填飽個肚咁簡單, 會有一種好冶愉嘅感覺, 好似食左件藝術品嘅感覺。 於我哋嗌咗個"雲" 套餐。 好飽好滿足好開心。以下係我嘅分享。前菜三小碟明太子做特登做成一個西瓜嘅形狀, 栗子肉係微微煎個加上芝麻, 好脆身好甜。 仲有蒸蛋好滑溜。 壽司六件師父一件件咁整, 整一件食一件。 咁樣最新鮮, 師父又分享左魚生既知識同食壽司既方法。 令我對日本菜了解多左。 個赤貝好爽口, 食過會"索索" 聲。 個海膽就超香軟, 口感一流。 而每個魚生都好軟綿綿。 同連鎖店大量製作差好遠。煮物: 海膽汁帶子海膽汁香濃 配上清清地既帶子。 好享受壽司六件再黎6件, 今次多左肉質重既魚生同有蝦。 師父多左用燒既方式處理。令d魚油揮發出黎天香口。 最後有吸物同甜品。食omakase可以享受到當日最新鮮既食材同得到師父每件用心既處理。 真係冇得頂。 令老友十分讚歎, 我都食得好過癮。