喜亭軒 (已結業)

最近有想打邊爐又想食燒肉又想食雞煲通常出面嘅食店都可以滿足你兩個願望冇諗過竟然 喜亭軒 一次過可以滿足你三個願望🥰首先價錢性價比好高 食緊嘅係美國SRF黑毛和牛 而且餐牌都係電子化 分咗火鍋同埋燒肉嘅版面 選擇非常多元化食野都有分次序 首先：雞煲雞肉好嫩滑 吸收晒醬汁精華 雞件大細剛好 上菜後 只係需要幾分鐘就可以食 時間控制得啱啱好食完雞煲之後就可以轉燒肉同火鍋黑毛和牛 分咗唔同部位 其中和牛粒同和牛片好好食 另外仲有大量唔同嘅醬汁可以選擇 推薦牛肉汁同燒汁 配上牛肉一流仲有唔同嘅扒類 豬頸肉可以選擇火鍋方面，湯底我哋想試吓新野，今次選擇左胡椒豬肚湯。火鍋支持佢哋嘅海鮮拼盤，當中仲有大大隻鮑魚 鮮蝦 等等，另外單點都有好多海鮮選擇，淨係食海鮮都已經可以回本！火鍋到咗之後我哋先飲咗碗豬肚湯，豬肚湯好鮮甜，配上牛肉，仲有紅薯粉，好有滿足感。甜品嘅部份，除咗有movenpick 外，仲有好多唔同嘅雪條可以選擇🤓嘢飲都仲有好多自家製，汽水 啤酒都係任飲！住喺港島嘅朋友，都唔使失望，因為筲箕灣都有分店！