甘永泰魚蛋 (已結業)

年初三入長洲行山前掃小食，緊係去最長龍既魚蛋鋪。條隊長到幾間鋪，20，30人排緊，雖然好快買完散，但不停有人排，長有長做。有雜款，又有大大粒魚蛋。一般各串 $15。大大粒魚蛋兩粒只係$10。一行四人試左四串，加每人一粒爽魚蛋。蝦丸彈牙爽口，墨丸比平時既更有味。魚蛋同魚蛋片都特別重魚味。鯪魚丸有少少魚腥，不過都接受到，而且都比較彈牙。最正當然大大粒魚蛋啦。又有魚味，又大粒又爽彈。熱辣辣好好味。仲有魚肉讓豆卜，豆卜反開反讓魚肉，所以炸得好香脆，而且食落唔膩。