戀茶舍 (兼善里) (已結業)

今日係長沙灣哩邊做野，哩邊既天氣真係特別熱，所以我中途忍唔住買番杯野飲。哩間飲品店既飲品種類唔少，今次我就揀左奶蓋水果系列，因為佢係採用新鮮水果製造，而且我勁鍾意奶蓋😆🥭芝戀芒芒 大 $36芝士奶蓋相當濃厚，入口微鹹，配埋芒果沙冰一齊飲味道好夾，而沙冰芒果味非常突出，味道清甜微酸，飲落帶有些許芒果肉。🍓芝戀莓莓 大 $36芝戀莓莓上面既芝士奶蓋同樣濃厚，士多啤梨味一啲都唔會假，飲落亦係清新自然，味道香甜，仲會飲到些許草莓籽。整體黎講，哩間新開既茶飲店飲品用料新鮮，味道天然，夏天買番杯飲真係啱晒。