火鍋英雄 (已結業)

今晚同朋友去了食得飽坐得舒適服務質素高嘅餐廳食火鍋，這裡地方夠晒大，座位十分舒適，三五知己或一大班朋友都十分合適！雖然唔係任飲任食，但質素高位置好都已經值回票價！一座下就已經先上了啲特色小吃，有爽口嘅麻辣雲耳、蓮藕粒、炸花生、海帶等小吃，望主張點菜紙，這裡最出名就係重慶火鍋，但朋友怕辣，店員推介了個酸菜冷鍋魚比我們，跟住就係必食嘅美國極品肥牛，這裡嘅招牌四寶丸，入單後個湯底就好快出來，滾一滾後店員先為我們上了碗頭啖湯，味濃酸甜香濃，個鍋大之餘，裡面嘅材料十足，鍋中有大量嘅鮮魚片，配埋個酸辣湯底十分入味，每片魚片都十分軟熟嫩滑，個中原因係廚師即時新鮮將活魚切片放湯，可想廚師刀法之熟練度之高，入單後等了一會兒就已經有得食！小小建議，可先將個鍋內魚片先食到一半先再落單會較好，因為其他火鍋配料放進時啲魚片就會over，但等食完魚片先放配料，配料就放滿了枱上等待！見差不多都照放肥牛同埋四寶丸滾，肥牛放湯一拖已經可以入口，肉質嫩滑軟熟，重夠晒肥美，個陣牛香在口中留香！慢慢食，而四寶丸粒粒都十分彈牙爽口，個牛肉丸就牛肉味十足，咬開時十分Juicy，見唔夠再加了份鴨血同四川紹粉，鴨血配埋個酸菜湯十分入