香港烏賊中心 (已結業)

今日帶日本客傾生意，傾完嚟咗呢無食嘢，店長超級熱情，叫咗三個餸(日本人比較細食，我又唔好意思叫多啲。。。)首先係中既刺身拼盤，有吞拿魚，AJI(唔好意思，唔識中文係乜，相中後面最大嗰條魚)，海胆同埋日本空運魷魚。刺身既新鮮程度唔在講，味道真係正，尤其是魷魚，真係一隻隻獨立包裝之前一晚由日本空運，第二日中午生勾勾咁運嚟香港，到上枱時仍然變緊色，肉仲係透明，鮮味到不得了，同平時我地食十蚊八蚊一件白嘥嘥魷魚完全唔同一回事。問埋店員，原來啲魷魚空運返嚟死亡率都幾高，而且每日賣晒每日清，今日冇預約都俾我地食到真係好彩，到我地走既時候真係一條都冇剩 。第二味係當造既秋刀魚(生)刺身，秋刀魚一定要好新鮮先可以生食，完全無平時嗰啲腥臭味，充滿油香，入口即化，正到暈(因為唔係成日有得食，所以我好鍾意食)，最衰得四件，唔係我想食十件 。第三味係墨汁魷魚意粉，掛住食已經唔記得影相，意日fusion, 兩個人食啱啱好既分量，意粉彈牙煮得啱啱好，墨汁既調味都好好。今次係個客請，但自己都想再嚟，正呀!價錢嚟講，以佢既新鮮度一啲都唔貴，因為真正朝補晚嚐，唯獨係鋪面比較窄，唔夠闊落。