鮨之

營業中

休息中

經過旺角朗豪坊，即刻上openrice search有咩好食。搵到呢間日本野，算比較少負皮，就去左食啦。佢位於4樓foodcourt旁，比較多人，唔為意以為係平價餐廳。但錯啦，佢入面既野食一d都唔平。晚飯時段6點半左右，入都去都係好少人，total10個人左右。所以都坐得幾舒服。我坐窗面位，陰暗既燈光同闊落既枱面係舒服既，但景觀就麻麻啦，你要望住出面食foodcourt既mk仔女黎享用壽司。咁我就叫左10件壽司，本身叫7件，但怕唔夠飽。佢d壽司set全部係"Omakase"形式，由師父決定整咩壽司比你，唯獨唔係一件件上，而係一次過上晒。唔想諗食咩又有錢既，可以叫佢既壽司set上左菜後，都幾唔錯，有一件海膽軍艦，而且好新鮮，唔會有腥味。d壽司選擇都幾豐富，唔會淨係比d cheap壽司你食。有玉子，有蟹子飯（飯略咸，但蟹子算ok），幾長既鰻魚壽司，吞拿魚，三件卷....d魚全部都好新鮮，好好食。壽司唔會呃秤，正常size，唔會好似某d店咁整bitesize你食。食完都意外地飽，可能d壽司都足料，所以10件岩岩好。呢個價錢係有d貴，但係比到omakase食物質素同新鮮，都算係咁。