入麵 (已結業)

今日同同事去到荃灣路德圍食飯，又唔知食咩好，誤打誤撞入左去一間食台式麵的餐廳，餐廳以台灣麵食作招來，午餐都附有一d台式飯選擇，例如有肉燥飯等，仲有一d台式飲品選擇。 講返今次試既麵，經特應推介下，我哋都不約而同點了同一款招牌麵，就係豬八戒麵，跟據待應的描述，大概係新鮮豬肉打成既豬肉滑嚟，另外仲有一款差唔多既麵食叫牛魔王麵，就係用鮮牛肉打成既牛肉滑！ 不過今次就只點左個豬八戒麵食！我點左豬骨湯麵，味道清淡，適合唔食開重口味野既朋友食，豬肉滑幾彈牙，幾好味，美中不足係個麵既份量一般，女士應該無問題，男士就可能要去後面食多碗$5 豆花先夠飽了!