旬. 食事處 (已結業)

突然約食飯，唔知食乜好。要揾個位於九龍而地點方便，餐廳選擇多的，只得尖沙咀、旺角或佐敦。最終決定去佐敦的旬.食事處。好彩我地早到，剛好仲有一張4人枱。入到鋪頭，見到三色波波燈籠，令我回想起沖繩的居酒屋笑料... 坐底後，先點小食。炸雞、雞翼同鹽燒油甘魚鮫，作為傾計的小食就真係唔錯。跟住想食刺身同壽司，見到點菜紙上有好多選擇，都唔知點算…… 見到有深海池魚又想試吓，老闆見到我地4個咁苦惱，就建議我地要半條池魚，再點3-4項刺身，食完先再諗壽司。心諗咁都好，第一唔洗叫到成枱都係，第二可以黎個慢活晚餐 (因為响度食野冇限你食1·5 /2小時就要還枱)。 食完刺身，叫咗個清酒煮蜆間場。蜆夠大隻，冇煮過火，好味响呢個時候，覺得飽飽地…… 好彩冇一次過點晒所有想食的。如果唔係就太飽最後選咗12款壽司同2款卷物，好滿足!!! 其他就留下次食啦 咁抵食，一定會再黎!!