北海丼 (已結業)

呢間喺太古係新開的，報導介紹佢既刺身係日本直送，又係喺日本開過嚟，好係好地道好新鮮，特別約朋友嚟食。可惜訂位已經full, 原來得3分1位置可訂座，其他留比walk in 客人，唯有6點半就嚟搵位，2位人檯就只有門口第一張，仲要好大冷氣風口位，但除了吧檯就沒有其他選擇，唯有照坐。刺身丼，呢度款色真係多，由$148至$298，真係有d選擇困難。最終簡左最平同最貴既平衡吓。角切刺身丼，$148，算新鮮，而且多款。極上刺身丼，$298，最貴，但有齊我想食既海鮮，如原隻鮑魚、松葉蟹蚶，海膽、三文魚籽、牡丹蝦、元貝、三文魚。如所有都日本直送又新鮮既話，呢個價錢都ok既。配既麵豉湯都好飲，唔咸，多料。呢度氣氛幾好，有一檯唔知叫左咩野食，有一班穿日本衫既待應喺佢地面對講日文繞嚷，又有一個即場切原條吞拿魚環節，好多人圍觀，主持既係日本廚師，有待應喺旁邊用咪講解。最後叫左士多啤梨蜜瓜紅豆白玉，都ok既，細份少少。整體都係唔錯既高品刺身丼店，其實都有其他熟食飯類同前菜，唔食生野既人都多選擇。