Lucky•綠 (已結業)

認識我嘅朋友都知道我係珍珠奶茶達人🤣，差唔多係每日一杯，身體嘅70%水份都係奶茶同水果茶。基本上市面上所有我見過嘅茶飲店都試過，而第一次見嘅當然都要試下，呢間茶飲店近油麻地方向。黑糖珍珠鮮奶茶（熱） $30奶茶好香滑，加上黑糖都唔會太甜，珍珠口感Q彈。多肉芒芒椰 $42上網見人講呢間茶飲店用新鮮水果同蔗糖製造，店員真係拎咗一大個新鮮芒果去切，好驚喜！不過嗌完就要預多少少時間等。呢杯頂層有cream，底層仲有黃金珍珠，略嫌椰汁味有啲重。除咗飲品外，仲有啲小食㗎，不過我哋食完飯有啲飽就無試了😋