彩興來來火鍋 (已結業)

今晚一家出動去搵火鍋食，來到居所附近的彩興來來火鍋店，其實有少少偏僻，只係路過見到有燈箱廣告介紹，所以便來到這間餐廳食嘢了，餐廳面積不算大，一眼睇晒有十零張枱，裝修佈置簡單，反而食物種類選擇多，特別啲好似有柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸等，都是其他餐廳冇嘅食物選擇。我們點了的魚皮餃、四寶丸、美國肥牛、西洋菜等配料。而淥野之前我們叫了小食，就係彩興鮑魚$68，鮑魚是迷你版，有四至五隻，其餘是蒜粒，起初我以為是凍食，放在口中是暖暖的，鮑魚幾爽口，蠔油憲不咸味適中，連埋蒜粒一齊食幾特別。火鍋重點是食材新鮮，我覺得整體唔錯，仲要自己識得碌食物先得，好似鵝腸不能夠錄得太耐，卓一陣大概有少少微縮嘅狀態就可以拿來食，爽口。另，叫的肥牛不是最頂級價錢，不過一樣ok，牛肉卓一卓變色就可以食，牛肉冇渣幾嫩，點埋啲辣椒油更加惹味。當然火鍋就一定要有飲品，我們就揀了一揸桔仔冰，酸酸甜甜，食慾大增。飲完order另一款意米柚子冰原來是一樣酸酸甜甜，不過甜嘅比例多少少。今晚我對這個火鍋感覺良好，食材新鮮決定一切，越食越開懷。