Applegreen - Beef & Vegetables (已結業)

今日同媽子在佐敦覆診後，想帶佢食d 平時少食的野。平時佢成日飲茶，又唔食得魚生，泰菜有蝦蟹又驚皮膚敏感。。咁就西餐吧！佐敦附近我又幾鐘意既，一諗就諗到 Applegreen! 十幾年前呢間野好hit, 但好似突然沉寂左一輪，呢一兩年又再出現。大半年前食過，任食沙律吧，菜很新鮮，很多選擇，一直念念不忘；今次媽子竟然話可以食生沙律菜，咁就再去一次喇！星期六中午，每人最低消費$150, 雖然的確有點貴，但帶媽子試新野，唔計了。12:15到，場內已有七成入座，大部分是家庭客。媽子叫左三文魚濶條麵，我就要 all day breakfast。沙律吧有七八款沙律（南瓜，蕃薯，粟米，生菜，雨衣甘藍，椰菜花，薯仔，菠蘿等），兩款 coldcut, 一款芝士，一款湯，六款 salad dressing。菜是如常地新鮮，coldcut 正常，湯就咸左少少。三文魚意粉好味，成碟都有濃郁三文魚味，三文魚粒份量不少。All day breakfast 正常野，無咩特別，味道及份量正常。飲品，甜品要另叫，我同媽子都好飽，無叫了。埋單$400, 媽子話好貴。但又唔係成日食，又見佢食得開心滿足，都是值得的。