Classified (新世界大廈) (已結業)

通常大吃大喝之後就會想食下沙律，俾腸胃休息下。 今日午餐選擇咗食公司附近嘅classified， 貪佢就腳， 方便買返公司食 ，而且同事評價都唔錯。沙律屬於自選形式， 每日嘅款式都唔同， 大約有六款選擇，客人可以任選幾種放入一個紙盒入面。 我揀咗$40嘅small salad，另加15蚊可多兩片煙三文魚或雞胸， 我揀咗煙三文魚，total 55蚊。沙律價錢當然比便利店貴，但都明顯感覺到食材新鮮好多， 食沙律都係想健康，呢個價差我都接受到。 今次唯一缺點係醃青瓜太酸，至於其他菜都好滿意，下次返工想再食沙律都會再幫襯。