火鍋仔

營業中

休息中

同6個朋友飯局，選擇食火鍋，上網睇過火鍋仔，食評都 5 錯，咁就要試一試 。因為係工廠大廈，位置較隱蔽 ， 環境就一般，地方不大，座位有限 。火鍋醬料選擇得幾種……係最基本，但都很新鮮 。湯底選了 2 種，沙嗲 及 木瓜魚 。叫了 2 款不同牛肉 及豚肉，響鈴……新鮮即炸，幾巨型，口感唔錯 。蜂巢豆腐 …… 一般啦 ， 翠肉鯇……新鮮 ， 花甲……新鮮，無沙，蜆就較細……不過都係新鮮 ， 古法牛腩 …… 一般，可以唔叫 ， 鮮淮山 ， 油麥菜……新鮮 。手打墨魚丸及魚皮餃…… 幾彈牙 ，黑重露蝦滑……內有很多蝦 ， 幾好食。鵝腸…… ok 啦 ，另外叫了烏東及一丁麵 。其實叫的食物，都係一般火鍋食材 ，不是好特別 ， 不過勝在夠新鮮 。另外當然叫了罐裝飲品 ， 火鍋必需 。以埋單每人 $300 ， 唔算低食 ， 不過都叫咗幾多野食，都算有質素 ，另外一提就是沒有加一收費 。