川花烤魚

營業中

休息中

荃灣西係香港美食集中地之一集結咗唔同嘅菜式今次要同大家介紹嘅呢間烤魚！烤魚最大嘅特色就係呢，佢有多種唔同嘅味道俾你選擇包括有豆豉味啦酸辣味啦四川麻辣味啦同埋呢個酸菜魚味，魚嘅品種呢就會有鱸魚，鯇魚等等🐟我個人就偏好鍾意食鯇魚，咁今次就會揀咗酸菜魚味再配上鯇魚！份量方面呢可以選擇半份或者一條嘅咁半份入邊呢亦都可以揀有骨或者冇骨嗰邊！作為食魚愛好者嘅，我梗係食全條啦！喺上菜嘅時候已經嗅到條魚已經烤得非常之入味，陣陣四川烤魚味撲鼻！咁除咗烤魚之外，呢餐廳亦都有雞煲啦同埋有其他特色小菜嘅例如有夫妻肺片啦，涼拌萵筍絲，我亦都比較喜歡食佢哋嗰個大漢羊肉串！！嗰個肉味恰到好處之餘肥瘦適中！記得要飲埋佢哋嘅自家製蘋果茶，咁就一流啦！