金所 (已結業)

排隊情況：平日11:30am去到，直入完全唔駛等。食物：叫咗個$268嘅生鮪飯，有魚茸，赤身，中拖羅同大拖羅。就咁試咗啲魚生先，赤身中拖羅係好新鮮，魚茸大拖羅就非常之肥美，大拖羅嘅油脂會稍為掩蓋左個鮮味，取而代之係魚油嘅香味。第二轉加埋隻蛋，同埋甜甜地嘅豉油，又係另外一種享受。份量：套餐有埋前菜同麵豉湯，食完係超級勁飽，大滿足！性價比：偏高，$280免加一，每日新鮮空運到港，新鮮程度絕對值回票價。