影片
更多
2023-08-09
107 瀏覽
餐廳喺蝴蝶邨街市隔離冬菇亭，招牌醒目易搵。入到去冷氣夠凍，啱晒夏天打邊爐。一坐低就有位大隻店員過嚟介紹餐牌，熱情細心咁了解我哋嘅口味。先嚟一大壺竹蔗茅根，飲得出喺自己煲，唔甜好飲好解渴。湯底叫左招牌牛什鍋$288，有牛腸牛肚牛膀牛肺，好足料，仲有幾嚿白蘿蔔同大量芽菜韭菜，牛味濃得嚟好清爽，完全無異味。仲叫咗個小食，蝦滑油炸鬼，即叫即炸好惹味，就咁食浸湯食都好食。牛肉揀咗封門柳同牛邊爪。聽過封門柳但第一次食，牛味濃有咬口。大隻店員介紹牛邊爪俾我哋試下，爽嫩有油花，食到唔同口感。份量都幾多下，仲有好多刁鑽部位未聽過都想試。另外叫咗牛舌同牛骨髓。牛舌好新鮮彈牙，牛骨髓綿滑，都好好味。值得一提有個秘製牛汁，專門蘸牛肉，食落會更加甜。最後仲叫咗鮮蝦雲吞拼韭菜餃，皮薄餡多，調味好。再加一大籃皇帝菜淥牛湯 濃上加濃。最後想讚下員工服務態度好，主動加湯收枱。
先嚟一大壺竹蔗茅根，飲得出喺自己煲，唔甜好飲好解渴。湯底叫左招牌牛什鍋$288，有牛腸牛肚牛膀牛肺，好足料，仲有幾嚿白蘿蔔同大量芽菜韭菜，牛味濃得嚟好清爽，完全無異味。仲叫咗個小食，蝦滑油炸鬼，即叫即炸好惹味，就咁食浸湯食都好食。
牛肉揀咗封門柳同牛邊爪。聽過封門柳但第一次食，牛味濃有咬口。大隻店員介紹牛邊爪俾我哋試下，爽嫩有油花，食到唔同口感。份量都幾多下，仲有好多刁鑽部位未聽過都想試。另外叫咗牛舌同牛骨髓。牛舌好新鮮彈牙，牛骨髓綿滑，都好好味。值得一提有個秘製牛汁，專門蘸牛肉，食落會更加甜。
最後仲叫咗鮮蝦雲吞拼韭菜餃，皮薄餡多，調味好。再加一大籃皇帝菜淥牛湯 濃上加濃。
最後想讚下員工服務態度好，主動加湯收枱。
張貼
