甜舍 (已結業)

今日嚟到元朗呢間甜舍，係甜品舖嚟， 天氣太熱，驚我忍唔住即刻叫咗一杯士多啤梨奶蓋飲，望落都算奶蓋十足,好有士多啤梨蓉嘅感覺。我大膽一啜，真係好耐冇飲過咁足料嘅。佢嘅士多啤梨蓉真係好真實，一啲都唔假，唔似出面溝出嚟嘅士多啤梨奶蓋。真係好岩呢排天氣轉熱又想飲下凍野嘅人，咁有創新嘅野飲，真係下次要再飲埋佢嘅芒果奶蓋。除咗士多啤梨奶蓋我仲叫咗好大型嘅朱古力火鍋。 朱古力火鍋有唔同生果，都非常之新鮮， 將生果放落溶咗嘅朱古力度，攞返上嚟即刻變咗好脆嘅朱古力。感覺真係非常之特別。