影片
更多
2009-02-27
10 瀏覽
下午茶時段，同友人到 Freshness Burger 食野，今次係第一次幫襯呢個品牌。望左餐牌好耐，終於揀定左一個下午茶餐，發現只係比原價減左 $8 左右，不過始終個包係間舖既招牌產品，所以都一試。1. 照燒雞堡 + 沙律 + 薯格下午茶餐 (連普通熱飲或汽水 $38 / 連咖啡或特飲 $43)下午茶餐有六款可以揀，問左收銀員邊樣好食，佢話照燒雞堡好 D，於是我就揀左試一試。個包的確幾新鮮，即製，Size 唔算好大，Burger King 好似大 D。個包入面有雞扒之餘，有洋蔥粒、蛋黃醬 (Mayonnaise) 同生菜。Mayonnaise 同照燒汁其實唔係好夾，兩者鬥搶味，而且洋蔥粒同 Mayonnaise 又唔夾。你去過老麥食黑椒漢堡就知，人地係配黑椒汁，比較濃同埋惹味既醬汁，不過 Mayonnaise 都唔係呢回事。個包就算 OK。至於個沙律，佢只係用日式沙律油，無得俾客人揀千島醬或者其他醬，好失望。人地老麥初初出沙律都可以整三款醬俾人揀，佢呢度走外國路線反而無得揀。菜就好新鮮，份量恰當。跟餐可以要薯格或者薯角，我揀左薯格，可以成個餐得四塊，太矜貴。至於餐飲，我加左 $5 要
今次係第一次幫襯呢個品牌。
望左餐牌好耐，終於揀定左一個下午茶餐，
發現只係比原價減左 $8 左右，
不過始終個包係間舖既招牌產品，所以都一試。
1. 照燒雞堡 + 沙律 + 薯格下午茶餐 (連普通熱飲或汽水 $38 / 連咖啡或特飲 $43)
下午茶餐有六款可以揀，
問左收銀員邊樣好食，佢話照燒雞堡好 D，
於是我就揀左試一試。
個包的確幾新鮮，即製，
Size 唔算好大，Burger King 好似大 D。
個包入面有雞扒之餘，有洋蔥粒、蛋黃醬 (Mayonnaise) 同生菜。
Mayonnaise 同照燒汁其實唔係好夾，
兩者鬥搶味，而且洋蔥粒同 Mayonnaise 又唔夾。
你去過老麥食黑椒漢堡就知，
人地係配黑椒汁，比較濃同埋惹味既醬汁，
不過 Mayonnaise 都唔係呢回事。
個包就算 OK。
至於個沙律，佢只係用日式沙律油，
無得俾客人揀千島醬或者其他醬，好失望。
人地老麥初初出沙律都可以整三款醬俾人揀，
佢呢度走外國路線反而無得揀。
菜就好新鮮，份量恰當。
跟餐可以要薯格或者薯角，
我揀左薯格，可以成個餐得四塊，太矜貴。
至於餐飲，我加左 $5 要左 Iced Mocha，
可惜飲唔出咖啡香味，
感覺就似一杯三花朱古力加雀竇咖啡開粉溝埋咁。
唔合格。
2. 芝士薯球八粒 (跟餐加 $6)
呢一個係全餐最好食既，新鮮即炸，
好熱，一咬開會見到融化芝士，
佢本來俾左茄汁，但係唔點仲好，
食到芝士香味同埋好脆口，
$6 就唔算貴，非常滿意。
服務同衛生程度就無乜特別，只係快餐店一般既質素。
環境就唔係幾好，
因為新世紀個交通出口處好多人企係度食煙，
佢地成日望入黎睇住你食野，
所以我就唔鍾意呢種俾人望既感覺。
全餐 $49，價錢算唔貴。
不過只食一次，試過就算，
俾得起呢個價錢，我又寧願食 Burger King，
或者去 Triple O's 再食佢個下午茶配奶昔 ($55)，
唔爭個 $6 喇！
張貼
