潮福蒸氣石鍋 (已結業)

同朋友聚會，天氣凍凍地不如食下熱鍋，打邊爐 ，雞煲又好似冇咩新意，行經尖沙咀見到兩間蒸汽火鍋店，潮福呢間比較平d，所以就揀左佢。先揀粥底，我地揀左雞粥，見佢就咁倒晒所有材料落既鍋底又唔洗加水，非常有趣。有3款定食再自選4樣海鮮，d海鮮真係好新鮮，佢地教既時間蒸出黎十分鮮嫩。食完海鮮就任食蒸火鍋，我最鐘意食薑汁糕。食完最後就係食粥，煲左咁耐，果然夠晒鮮甜，精華都係晒度。因為所有食物都係蒸，健康得黎又冇打邊爐雞煲既熱氣，值得推薦。