有蒸氣 海鮮石鍋專門店 (已結業)

蒸氣海鮮推出左有一段時間，而家先黎食下。黎到佢會比小菜，有花生同青瓜。之後就開始簡餐，叫左個海鮮餐，入面包左沙包蜆、海中蝦、鮑魚、元貝、美國桶蠔、薑蔥蒸鮮尤、豬肉丸、墨魚丸、金銀蒜蒸絲瓜。 一開始以為係自己蒸，但原來有專人服侍！第一樣黎既係黑松露蒸蛋，店員有定時黎睇蒸熟未， 最後蛋蒸到剛好，好滑！ 黑松露味濃郁！ 第2樣就係蜆同鮑魚，食到好新鮮，有海水味，而且冇沙的！ 之後就係元貝，用左蒜蓉仲有粉絲。呢到既海鮮都好新鮮，冇用好多調味，食到海鮮原味，不過就算係重口味既朋友，都有醬汁提供。墨魚丸食落好彈牙，手剁果然唔同！因為叫左粥底， 個湯吸曬海鮮精華， 有個好味既栗米雞粥！