大瀛喜日本料理 (已結業)

放工後同朋友食放題，呢間放題喺旺角，約朋友食身好適合。一黎到就叫左一盤刺身，每樣食材都好新鮮，其中最鍾意嘅係三文魚，好厚肉，另外甜蝦嘅口感都好滑。美中不足嘅係吞拿魚暫停供應。跟住我地亦叫左幾款壽司，有三文魚腩，火炙三文魚，左口魚等等。火炙三文魚燒得岩岩好，有火炙嘅香味又唔會太熟。其他亦不過不失。除左刺身壽司外，我地都叫左幾款熟食，其中最推介嘅就係蟹粥，今次係第一次食，味道好香，好鮮味。另外值得推介嘅係天婦羅紫心香芋丸，一咬落去有好香嘅紫薯味。最後，我地都叫左好多甜品，甜品係自助式嘅。心太軟好好食，外面係熱，一吉落去就會有濃郁嘅朱古力流心，十分好味。呢到嘅店員服務好好，清潔得好快，所以啲野都唔會堆到成枱都係。