AELLO (已結業)

好多人ＳＨＡＲＥ元朗呢間手繪飲品杯既台式飲品，網上見到Ｄ畫畫得唔錯，所以特登過黎買杯野飲。去到已經有７—８個人係到等緊野飲，收銀到寫住因為用新鮮材料所以製作需時，一杯要等４５分鐘，原來要咁耐覺得好震驚。不過好彩佢隔離有一個商場，可以俾人一路嘆冷氣，一路等。杯上面既畫係唔可以指定既，最後叫左抹茶鮮奶，然後去左隔離行街。行到咁上下番去睇下，點知都仲未到我，等多十幾分鐘先有，即係足足要６０分鐘先整完，我果杯畫左喬巴。雖然真係等好耐，不過飲落都真係飲得出佢係用新鮮材料。