茶木‧台式休閒餐廳 (杏花新城) (已結業)

家姐同我一齊睇表妹游水，表妹係BB都可以自己游一個私家池，最趣怪係水泡唔係圍腰而係圍頸，手仔腳仔伸伸下好得意。姑姐帶表妹離開趕住回家，家姐同我一齊食下午茶，杏花新城有好多好味美食，我地左揀右揀最終走去食茶木。玫瑰洛神花茶 $37唔方便飲凍飲就要咗杯熱飲， 茶壺飲完係可以再加熱水再飲過，味道酸酸甜甜仲有玫瑰香味。地瓜花枝餅 $60味道好特別，甜甜地咬落韌韌地，炸得香口，家姐話一粒粒係花枝，其實乜野係花枝？蚵爹肉碎泡飯 $72蠔仔好大粒，又多又鮮味，泡飯入面有好多料，魷魚絲，蝦米，飲到個湯好鮮味，泡飯好大碗，我要同家姐share先可以食曬！飽到好飽，我地去番細個玩開嘅公園玩下先。