梅丘壽司の美登利総本店 (雅蘭中心) (已結業)

❥⧽梅丘壽司の美登利総本店 ❥⧽開咗咁耐我一直都未試過, 終於有機會試吓喇。原來平日都比較少人, 所以唔會限時, 而卡座位坐得好舒適, 可以慢慢咁食。𓊈極上吞拿魚盛合𓊉佢個樣實在太靚喇, 望住已經流口水, 大拖好肥美, 入口即溶, 吞拿魚蓉軍艦細細粒不過好澎湃, 食得好爽, 最估唔到係赤身食落都唔錯。𓊈三文魚盛合𓊉三文魚好新鮮呀, 件件都好肥美, 魚生個 size 比平常長一半, 份量上已經好滿足, 灸燒三文魚全部都燒得好香, 充滿油脂。小卷入面竟然都有三文魚粒, 好驚喜。𓊈特選美利登刺身丼𓊉個擺盤好精緻, 五顏六色, 睇見已經好開心, 刺身款式比想像中多, 全部都好新鮮, 雖然價錢略貴, 不過值得。𓊈牛油果海鮮沙律𓊉魚生粒粒同牛油果/ 青瓜粒粒嘅比例竟然係50/50, 一d 都唔孤寒, 個沙律好鮮甜好好食。𓊈太卷𓊉見到隔離枱嘅太卷已經覺得好吸引, 忍唔住叫咗一客試吓, 佢個樣平平無奇, 不過食落口感好豐富, 甜甜地, 如果唔係因為太飽, 絕對會再叫嚟食。✧✧ 整體食物都好新鮮好好食, 環境亦都好舒適, 係絕對會再去嘅一間餐廳。