影片
更多
2021-12-21
253 瀏覽
要搵好嘢食，其實大角咀呢區真係有好多選擇～今次試咗呢間燒物黃店真係好高質，唔止食物好食，連老闆同老闆娘都好有人情味，成餐飯有傾有講有笑，感覺好窩心🥰 同佢哋傾開先知，佢哋店嘅海鮮係每日親自去揀，唔靚唔新鮮都唔會買返嚟比客人，就連蔬菜都係😱，淨係呢樣嘢就知佢地出品一定有保證😳，老闆亦會調教唔同嘅醬汁配合返食物，唔會只係識落孜然粉，大推畀大家試吓💛▪️極上生燒鰻魚飯 $388▪️係燒物店好少會見到生燒鰻魚😱，見到呢間到有，緊係要叫嚟試試！一大件鰻魚1開4件，鰻魚皮質感好有膠質，魚肉超厚身肉質好緊致，食落好有一陣炭香味，配埋用上鱔骨熬製嘅鰻魚汁真係好夾😍 另外仲有個小小嘅關東煮，分別係牛蒡、蘿蔔、豆卜，食完再飲埋自制嘅赤麵豉湯，唔會得陣死咸味👍🏻▪️豉汁燒沙插 $52/隻▪️沙插即係我哋平時食開嘅帶子，殼係比較大，用上自家製嘅豉汁嚟燒，唔會太咸太濃味，但又可以提到本身嘅鮮味出嚟，帶子肉本身就夠結實，韌韌地好正好爽口😍▪️即開即燒生蠔 $34 /隻 買3送1▪️落order後即開即燒！生蠔好肥美好大隻😍，燒到半生熟好鮮味🤤，因為佢地燒海鮮唔會燒到全熟，如果想要全熟記得同老闆講聲🥰▪️蒜蓉生燒原條茄子 $42
▪️極上生燒鰻魚飯 $388▪️
係燒物店好少會見到生燒鰻魚😱，見到呢間到有，緊係要叫嚟試試！一大件鰻魚1開4件，鰻魚皮質感好有膠質，魚肉超厚身肉質好緊致，食落好有一陣炭香味，配埋用上鱔骨熬製嘅鰻魚汁真係好夾😍
另外仲有個小小嘅關東煮，分別係牛蒡、蘿蔔、豆卜，食完再飲埋自制嘅赤麵豉湯，唔會得陣死咸味👍🏻
▪️豉汁燒沙插 $52/隻▪️
沙插即係我哋平時食開嘅帶子，殼係比較大，用上自家製嘅豉汁嚟燒，唔會太咸太濃味，但又可以提到本身嘅鮮味出嚟，帶子肉本身就夠結實，韌韌地好正好爽口😍
▪️即開即燒生蠔 $34 /隻 買3送1▪️
落order後即開即燒！生蠔好肥美好大隻😍，燒到半生熟好鮮味🤤，因為佢地燒海鮮唔會燒到全熟，如果想要全熟記得同老闆講聲🥰
▪️蒜蓉生燒原條茄子 $42▪️
茄子用上大量蒜蓉同適量嘅辣粉，燒到岩岩熟一絲絲拉起嚟食好吸引🥰
▪️生燒脆豬腩肉 $48▪️
上枱時已經切開細細舊方便食🥰，豬腩肉半肥瘦燒到好脆口，絕對係係肥而不膩🤤，再點埋佢小辣嘅醬汁，真係勁惹味🤣
▪️健力士黑啤燒羊扒 $72▪️
羊扒係用上黑啤醃完再燒😳，食落唔會大陣羊羶味，唔會太重啤酒味同羊扒都幾夾😍
▪️海鹽燒牛脷-厚切 $36▪️
牛脷入面好嫩口，唔係燒到全熟，面又燒到好夠脆口😍，仲要厚切！真係滿滿幸福感🥰
▪️日式鹽燒雞全翼 $28▪️
好貼心地將雞鎚嘅骨起咗😱，食嘅時候只係雞翼同尖先有骨，雞皮仲要燒到超脆口🤤，真正係啖啖肉好爽😍
▪️燒健力士啤酒腸 $28▪️
呢隻啤酒腸唔係自家醃嘅，係健力士啤酒出嘅腸，食落有少少酒同豬肉味好香口👍🏻
張貼
