極上龍吟海鮮丼專門店 (已結業)

嗰日約咗朋友去旺角食飯，咪喺旺角街頭行下搵下嘢食。當行到金魚街附近，就被門口嘅招牌吸引左入去。入到去發現環境都唔錯。睇到餐牌發現魚生丼飯好吸引，價錢由＄99到最高＄298，以旺角區來講價錢都算超值。刺身都有好多選擇。鍾意食蠔嘅朋友一定唔可以錯過。 嘩！個角切雜錦魚生盛丼啲魚生多到。有好多種魚生，魚生全部都好新鮮，隻蝦仲好大隻添。甜煮小女子個名好特別!仲有味淋魚乾，魚乾唔會燒到好乾身，好有口感。煎蛋卷個蛋卷好厚，口感結實，同啲醬汁好夾。仲叫咗個豚肉生姜燒飯同鯖魚飯，兩個飯跟餐都係＄69，鯖魚鮮甜味美，充滿魚油，豚肉生姜燒啲肉汁同洋蔥配飯真係一流呀。加幾蚊仲有杯宇治抹茶紅豆添。