影片
更多
2016-09-06
130 瀏覽
前排成日賣海膽廣告，搞到我見到想食，有次朋友同我講有次經過佐敦見到間野叫塔門仔海膽燒，佢就話去個到試下，叫得海膽燒都係主打海膽架啦點知一黎到，出面已經多多人排隊，其實外邊都有座位，不過當日太熱，所以我地都係選擇坐室內，因為有冷氣！咁冇辦法，係出面等下都要，等下個時咪睇下張Menu諗定食咩先與此同時都見到外邊有部電視，仲有好多有關雜誌宣傳，至知海膽燒真係每日新鮮海膽作菜，確實係採用塔門紫海膽，仲有牆上貼滿菜式照，見到一心想試試呢到既海膽如何終於到我地入座，裡面座位唔算好多，櫈亦係近年好流行既置物櫈，手上太多野亦可以放野落櫈裡面因為事先睇好食咩既關係，我地再三睇多次即刻迅速下單，只可惜當日既海膽薯蓉已賣光，至愛既薯蓉沒了，是不是太受歡迎的關係？呢到除左海膽菜，其實仲有唔同既串燒小食，主食都有幾款，如果同唔好食海膽既朋友黎都唔怕冇野岩食，所以我地除左點呢到既特色海膽菜，都試埋其他唔同小食，唔知水準又如何呢？我就叫左金菇牛肉卷 ($48)、脆炸墨魚咀 ($48)、海鮮炒烏冬 ($48)、塔門紫貝天葵 ($28)金菇牛肉卷不得不提佢牛肉醃得好入味，而且牛肉一D都唔韌口，仲係好Juicy，啖啖都有
點知一黎到，出面已經多多人排隊，其實外邊都有座位，不過當日太熱，所以我地都係選擇坐室內，因為有冷氣！咁冇辦法，係出面等下都要，等下個時咪睇下張Menu諗定食咩先
與此同時都見到外邊有部電視，仲有好多有關雜誌宣傳，至知海膽燒真係每日新鮮海膽作菜，確實係採用塔門紫海膽，
仲有牆上貼滿菜式照，見到一心想試試呢到既海膽如何終於到我地入座，裡面座位唔算好多，櫈亦係近年好流行既置物櫈，手上太多野亦可以放野落櫈裡面
因為事先睇好食咩既關係，我地再三睇多次即刻迅速下單，只可惜當日既海膽薯蓉已賣光，至愛既薯蓉沒了，是不是太受歡迎的關係？
呢到除左海膽菜，其實仲有唔同既串燒小食，主食都有幾款，如果同唔好食海膽既朋友黎都唔怕冇野岩食，所以我地除左點呢到既特色海膽菜，都試埋其他唔同小食，唔知水準又如何呢？
我就叫左金菇牛肉卷 ($48)、脆炸墨魚咀 ($48)、海鮮炒烏冬 ($48)、塔門紫貝天葵 ($28)
金菇牛肉卷不得不提佢牛肉醃得好入味，而且牛肉一D都唔韌口，仲係好Juicy，啖啖都有肉汁，食牛肉最怕有筋又韌咬唔爛。金菇份量多，我自己都好鍾意食金菇，而且又有益，平常自己下廚都常常煮金菇！呢到既金菇睇落我估都係同牛肉一齊醃，所以食落去一樣出味，牛肉又包到金菇實一實，每一舊食落都冇散開，最怕金菇散到周圍都係
脆炸墨魚咀大大粒，起初以為好似平常食到個D細粒墨魚咀，點知黎到係呢個樣，又可以試到新野！佢外身炸到好脆，而且好香口，應該有落到五香粉呢D調味，味道好出，就連同入面墨魚咀都一樣惹味，唔會只得外層有味內層啖茂茂，搞到食唔停口。
墨魚咀咬落有咬口，對於冇咩牙力既黎講都要D時間咀嚼，但是能接受的範圍。
海鮮炒烏冬入面有幾種海鮮：青口、帶子、蜆等等，面頭上仲有木魚絲，蔬菜當然少不了，有雜菜同雞脾菇！雞脾菇厚切，冇草青味，唔會太乾亦不太濕，再加埋雜菜好清新健康。青口兩隻冇沙，帶子軟林，蜆肉食到鮮甜味，到現在仍感回味❤️
塔門紫貝天葵，見到係燈泡裝，好可愛，又見個名咁有趣，一向鍾意挑戰周圍試所以就決定要點呢個我仲走去問店員究竟呢個紫貝天葵係乜東東，佢地形容係好似利賓納咁，酸酸甜甜地，係涼茶黎。
心諗似利賓納應該都唔會伏得去邊啦，係咪？
黎到一試，確實好似利賓納，但再飲真D，比利賓納更酸一點點，感覺有少少似涼茶咁，有些少寒涼，但確實不錯
最後仲偷食左D朋友既招牌海膽炒飯，炒飯粒粒都乾身
海膽雖然唔係好香個種，但入口鮮甜，好想食多幾啖，不過朋友話我食得多佢冇得食，所以只好收口了
張貼
