沙田頭火鍋 (已結業)

打邊爐最緊要個湯底靚，料新鮮，沙田頭火鍋碟碟都份量十足，仲要夠哂高質，一班朋友收工嘅好地方。安格斯肥牛(牛小排)(細) $198肥牛油脂分布平均，色澤鮮紅，見到已經非常吸引，食落非常嫩滑、軟腍，仲有陣陣肉汁，非常好食。原生椰子文昌雞鍋(半隻) $168湯底揀咗椰子雞鍋，原隻椰青係你面前即開即倒落鍋到，所以湯底嘅椰子味非常香濃，文昌雞肉質嫩滑，好有雞味，連埋椰子湯一齊煲仲會有陣陣椰子青香味係雞肉到慘出黎。自家手打蝦丸拼墨魚丸 $88兩款手打丸都好彈牙，丸上面仲會有蟹子，材料好足，蝦丸裡面有粒粒蝦肉，墨魚丸食落好有墨魚味。自家手打雲吞拼韮菜餃 $68雲吞同餃都好大粒，雲吞裡面有原隻蝦，食落好爽口，韮菜好鮮嫩，完全唔韌。蜂巢豆腐 $38豆腐好似海棉咁吸收哂椰子湯，每咬一啖都好有濃郁嘅椰子味，再加上蜂巢豆腐嘅口感，非常好食。豬皮 $58豬皮大大塊，食落爽口彈牙，唔會有騷味。