影片
更多
2009-03-18
8 瀏覽
^^3月8號生日，所以諗住搵間好D o既放題食之前食開金田，但有日睇雜誌見到大吉$138好似好抵咁(因為金田要$198加一)所以就同男友book定位去大吉食喇！一行五人，男友的家人都到來呢間大吉細過尖東o個間，o的位都逼逼地，五個人坐一張四人台名正言順似足一間居酒屋，但係郁都好辛苦，因為隔離台又係咁多人想轉個身都整到人^^"所以全程都坐定定一節約兩小時，我就食6:00-8:00 o個場(唔記得至八點定八點半)哈，用cupon就$138位加一，真係好抵呀！唔用就好似$168~都唔算好貴等我將所有野食打晒上黎比大家睇啦！A-G餐單淨係打o的值得試o既出黎^^A刺身壽司類 三文魚剌身 三文魚壽司 章紅魚刺身 甜蝦刺身 腐皮壽司 日本甜蛋 劍魚腩刺身 瀨尿蝦壽司B迷你手卷、卷物、飯迷你三文魚手卷 迷你吞拿魚腩蔥花手卷 迷你牛油果蟹肉手卷 炸蝦卷 鰻魚芝士卷 吉列蝦卷 炸軟殼蟹卷C沙律(冇乜新意= ="可以唔食)D燒物、飯鹽燒青
之前食開金田，但有日睇雜誌見到大吉$138
好似好抵咁(因為金田要$198加一)
所以就同男友book定位去大吉食喇！
一行五人，男友的家人都到來
呢間大吉細過尖東o個間，o的位都逼逼地，
五個人坐一張四人台
名正言順似足一間居酒屋，但係郁都好辛苦，因為隔離台又係咁多人
想轉個身都整到人^^"所以全程都坐定定
一節約兩小時，我就食6:00-8:00 o個場(唔記得至八點定八點半)
哈，用cupon就$138位加一，真係好抵呀！
唔用就好似$168~都唔算好貴
等我將所有野食打晒上黎比大家睇啦！A-G餐單
淨係打o的值得試o既出黎^^
A刺身壽司類
三文魚剌身
三文魚壽司
章紅魚刺身
甜蝦刺身 腐皮壽司
日本甜蛋
劍魚腩刺身 瀨尿蝦壽司
B迷你手卷、卷物、飯
迷你三文魚手卷 迷你吞拿魚腩蔥花手卷 迷你牛油果蟹肉手卷
炸蝦卷 鰻魚芝士卷 吉列蝦卷 炸軟殼蟹卷
C沙律(冇乜新意= ="可以唔食)
D燒物、飯
鹽燒青魚(半條) 串燒和牛肉(一串)<~~幾好味，但係唔鐘意粒車厘茄
鹽燒雞翼(一隻) 燒海蝦(一隻)
焗廣島生蠔(一隻) 燒羊胺(一件)<~~~較肥膩 汁燒雞扒(4-5件)
迷你鰻魚飯
E和食
鮮蟹肉粥(3-4人份最)
北海道牛乳海鮮鍋(3-4人份量)<~~~~~好味，湯底正呀！
鐵板雪花牛柳粒(2-3人份量)<~~~~~~好味，必食推介
雪花牛肉鍋(3-4人份量) 蜆仔麵鼓湯(1人份量)
F主食
牛肉烏冬
炒日式魔鬼拉麵 (幾得意，黑蚊蚊咁，幾好味)
G炸物
蝦天婦羅 炸蕃薯 吉列帶子 吉列蝦吉列蠔
炸雞軟骨餃子 炸雞軟骨
生日的朋友，早一日訂台，會為你奉上一個刺身蛋糕
因為我唔係早一日訂，所以冇
但見到隔離台個蛋糕，超型仔，唔係因為o的料或造型
係個蠟燭
點到會開花咁^^"仲有少少比我感覺上係煙花o既效果
真係幾唔錯，睇就正，食就免=0=任食仲有個蛋糕黎做咩？咪又係舊飯
如果佢比我帶走又唔同講法
張貼