鮨吟月

營業中

休息中

呢排真係覺得返工好辛苦，所以都想對自己好啲，至今晚就決定去食餐正嘅omakase。問咗身邊嘅朋友，有幾個都話天后有一間幾好食，好奇之下，就打咗電話去book。入到嚟之後真係好有驚喜，店員好有禮貌，好友善，另外呢度嘅裝修都好有日式風格，令人有一種好平靜好舒適嘅感覺食物質素當然都好高啦！今晚食嘅所有嘢都好新鮮，亦都多謝廚師好仔細咁樣解釋每一樣食材嘅來源，我個人就覺得赤身同鮟鱇魚肝最正！赤身一睇個顏色已經知道勁新鮮，嗰個光澤到真係呃唔到人，入口嘅口感都係我剛剛鍾意嘅，唔會太油膩。另外，就係個鮟鱇魚肝都整得好出色，口感細膩，醬汁唔會掩蓋咗本身嘅魚味，呢個真係好正！