鍋心粥底火鍋 (積存街) (已結業)

位於大圍嘅鍋心粥底火鍋，佐敦都有分店，人氣旺盛，好評如潮。主打海鮮火鍋，最後配上粥底。口碑咁好係因為佢啲海鮮新鮮，味道鮮甜，而且價錢唔貴，又有得book位。七款特選海鮮＋五款自選新鮮食材＋三款時蔬＋粥底都只係每位$198，仲免收加一。依個套餐最少要兩位起，然之後會根據你嘅人數安排食物份量俾你。海鮮有花甲丶皇蜆丶鮑魚丶蟹丶魚丶蝦及蚌或北寄貝。樣樣海鮮唔止食得出新鮮仲睇得出，海鮮好似蝦丶鮑魚上到枱都好生猛。自選新鮮食材方面都一樣新鮮，份量冇呃人，非常推介嘅係自家製手打雞骨丸，超過好味，口感真係幾彈牙。餐廳店員服務態度都好好，會好細心咁成日幫我地留意有冇"痴"底，亦有時會咁幫我地放食材同教下我地落個陣嘅技巧。環境氣氛： ★★★☆☆食物質素： ★★★★★服務態度： ★★★★★