鳳城酒家

營業中

休息中

路過西港城見到鳳城重開，就約埋朋友去食午餐。都已經唔記得上次去鳳城係幾時，即管當係第一次食。大部份點心都好精緻，有特別嘅造型。好似鳳梨酥就以小雞形狀做賣點，叉燒包就係豬仔，奶皇包就有心心眼其實味道都唔錯，不過size就細啲。蒸嘅點心一樣講究買相。蝦餃係彩色嘅，而燒賣放上一粒鮑魚仔亦非常有氣派，不過味道就唔算非常突出。炸嘅嘢食，唔係試咗好多。呢個椒鹽豆腐好味，下次可以試多啲。然後再嗌咗一個招牌炒飯。所謂招牌炒飯就好似一個容臘味做嘅西炒飯。飯係炒得粒粒分明，味道亦非常香，不過又未至於經驗都話要返嚟再食。反而最滿足嘅係最後嘅西米焗布甸，嗰種懷舊感同埋幸福感，喺第二度唔容易搵到